Da Violencia pódese saír!

O que debes saber para actuar e liberarte

- O primeiro é ser consciente do que te está a pasar, recoñecerte como vítima dos malos tratos e darte conta de que ti non es a culpable nin provocas esta situación.

- Non sintas vergonza de falar da túa situación. Expoñer o teu problema axudarate a liberarte del.

- Busca axuda tanto entre as túas amizades como axuda especializada. Servirache para tomar as decisións necesarias.

- Recorda que no Centro Municipal de Información dos Dereitos da Muller poden asesorarte. É un servizo municipal gratuíto onde podes atopar axuda psicolóxica, xurídica e social e informarte dos pasos a seguir.

- O maltrato sobre a nai ten consecuencias directas sobre os fillos e fillas, que posiblemente normalizarán esta situación e a forma de relacións familiares, perpetuando os malos tratos. Será beneficioso para os teus fillos e fillas sair do ámbito da violencia.

- Podes estar segura de que rachar coa situación de maltrato traerá beneficios para ti e para a túa vida.

Beneficios para ti e para a túa vida

• Posibilidade de vivir tranquila e sen sobresaltos.
• Recuperar a túa autoestima.
• Rachar co medo e a vida de terror.
• Ofrecer un mellor ambiente, libre de violencia, aos teus fillos e fillas.
• Terminar cunha vida submisa e chea de humillacións.
• Recuperar o teu sorriso.
• Gozar das túas amizades.
• Volver a vivir a túa vida sen que ninguén a controle.
• Volver a ilusionarte e encher a túa vida de esperanza.